kalittokai (Verse)

Kalittokai

((Originally extracted from master file ^KALI.OCP))
((Last updated on 2004 April 14th))

{KALI 106-1} kaḻuvoṭu cuṭu paṭai curukkiya tōl kaṇ
{KALI 106-2} imiḻ icai maṇṭai uṟiyoṭu tūkki
{KALI 106-3} oḻukiya koṉṟai tīm kuḻal muraṟciyar
{KALI 106-4} vaḻūu col kōvalar tam tam iṉa nirai
{KALI 106-5} poḻutoṭu tōṉṟiya kār naṉai viyaṉ pulattār
{KALI 106-6} a vaḻi
{KALI 106-7} nīṟu eṭuppavai nilam cāṭupavai
{KALI 106-8} māṟu ēṟṟu cilaippavai maṇṭi pāypavai āy
{KALI 106-9} tuḷaṅku imil nal ēṟṟu iṉam pala kaḷam pukum
{KALI 106-10} maḷḷar vaṉappu ottaṉa
{KALI 106-11} tākkupu tam uḷ peyarttu oṟṟi e vāy um
{KALI 106-12} vai vāy maruppiṉāṉ māṟātu kuttaliṉ
{KALI 106-13} mey vār kurutiya ēṟu ellām pey kālai
{KALI 106-14} koṇṭal nirai ottaṉa
{KALI 106-15} a ēṟṟai
{KALI 106-16} pirivu koṇṭu iṭai pōkki iṉattōṭu puṉattu ēṟṟi
{KALI 106-17} iru tiṟaṉ ā nīkkum potuvar
{KALI 106-18} uru keḻu mā nilam iyaṟṟuvāṉ
{KALI 106-19} viri tirai nīkkuvāṉ viyaṉ kuṟippu ottaṉar
{KALI 106-20} avarai kaḻala uḻakki etir ceṉṟu cāṭi
{KALI 106-21} aḻal vāy maruppiṉāl kutti uḻalai
{KALI 106-22} marattai pōl toṭṭaṉa ēṟu
{KALI 106-23} toṭṭa tam puṇ vār kurutiyāl kai picaintu mey timiri
{KALI 106-24} taṅkār potuvar kaṭal uḷ paratavar
{KALI 106-25} ampi ūrntāṅku ūrntār ēṟu
{KALI 106-26} ēṟu tam kōlam cey maruppiṉāl tōṇṭiya vari kuṭar
{KALI 106-27} ñālam koṇṭu eḻūum paruntiṉ vāy vaḻīi
{KALI 106-28} āl um kaṭampu um aṇimār vilaṅkiṭṭa
{KALI 106-29} mālai pōl tūṅkum ciṉai
{KALI 106-30} āṅku
{KALI 106-31} tam pula ēṟu parattara uytta tam
{KALI 106-32} aṉpu uṟu kātalar kai piṇaintu āycciyar
{KALI 106-33} iṉpuṟṟu ayarvar taḻūu
{KALI 106-34} muyaṅki potivēm muyaṅki potivēm
{KALI 106-35} mulai vētiṉ oṟṟi muyaṅki potivēm
{KALI 106-36} kolai ēṟu cāṭiya puṇṇai em kēḷ ē
{KALI 106-37} pal ūḻ tayir kaṭaiya tāaya puḷḷi mēl
{KALI 106-38} kol ēṟu koṇṭāṉ kuruti mayakkuṟa
{KALI 106-39} pullal em tōḷiṟku aṇi ō em kēḷ ē
{KALI 106-40} āṅku pōr ēṟṟu arum talai añcal um āycciyar
{KALI 106-41} kārikai tōḷ kāmuṟutal um i iraṇṭu um
{KALI 106-42} ōrāṅku cēṟal ila ō em kēḷ ē
{KALI 106-43} kol ēṟu koṇṭāṉ ivaḷ kēḷvaṉ eṉṟu ūrār
{KALI 106-44} collum col kēḷā aḷai māṟi yām varum
{KALI 106-45} celvam em kēḷvaṉ tarum ō em kēḷ ē
{KALI 106-46} āṅka
{KALI 106-47} arum talai ēṟṟoṭu kātalar pēṇi
{KALI 106-48} curumpu imir kāṉam nām pāṭiṉam paravutum
{KALI 106-49} ēṟṟavar pulam keṭa tiṟai koṇṭu
{KALI 106-50} māṟṟārai kaṭakka em maṟam keḻu kō ē